القـــــــــــــــــب

القلب كل ارباعه خلي وعروق
يقرا به الظامي قصيدة سرابه
للريح في رمل التباريح محروق
وتلعب خماسين الوله في ترابه
ومع القلم هات ابيض الطرس ياصفوق
راعي الهوى ماجابنا.. الورق جابه
لو من حل حكاية الشهد مخلوق
ماكرم الله العسل في كتابه
لو للسحايب ياطويل الهدب سوق
شريت لك برقٍ رهيف وسحابه
هتانها ياصاحبي لو هطل فوق
اخضرت اطراف السما من عتابه
شاعر عيونك لاكتب فيك طاروق
تختال اسارير الزهر في ثيابه
والفرقا ماتنبت بختري ورقروق
ولاتشرح الصدر الحزين الربابه
وكان انكرت صوتي وتوديهي النوق
باموت من قل الوفا والصبابه
باسباب ما اعاني من الوجد والشوق
إن غبت .. اجروحك بقلبي تشابه

مشكوووووور ياغالي على القصيده

تقبل مروري

مشكور لبى قلبك على هذا الموضوع الحلو يا فهودي
تحيااتي لك