AL GENERAL - 7MOODE
عضو جديد
عدد الرسائل : 14
العمر : 36
تاريخ التسجيل : 26/12/2008
 | موضوع: لعبة المناصب  الإثنين ديسمبر 29, 2008 6:54 am | |
| السلام عليكم ورحمة الله وبركاته
هذاك اليوووم اللي هو يوم ستردي وافلقني كان نصكم يعرف ستردي يعني اي يوم ..كانت السساعه تقريبا سسبع الصباح بتوقيت الطايف وكنت انا متكي بمجلس الرياجيل حقنا اللي تونا فارششينه بفرش جديد وكان متكي معي خالد اخوي وواحد يقاله سلطان له يومين ينام ببيتنا ومدري وش يبي ابوي يسألنا يقول انتم اللي قايليله ارقد عندنا؟ وحنا نسأل ابوي ونقول انت اللي قايله يرقد عندنا ؟ والله الظاهر ان طالعتن اششاعه تقول انا فاتحين فرع لفندق هيلتون ببيتنا ...
وكنا جالسسسين مالنا من الشيطان طاري ونتبادل اطراف الحديث ونتسامر ونحش وننكت والوراعين الصغار كلن لبس حقيبته المدرسيه وراح لمدرسته طلبا للعلم ،،،،
<< أمشششش يالاسلوب
وعلى هالحال جلسنا يكمن تقريبا فتره من الزمن إلين خلف آآآقصد إلين ملينا خلاص ماصارت ماعاد بقى كلام وسسوالف ماقلناها تكلمنا بكل شييي حتى كاس العالم 2024م تكلمنا فيه وتوقعنا من بيتأهل ومن اللي بيستضيفه وحطينا جدول المباريات ومن الهداف حتى تشكيلة الهلال اللي تبي تكون بعد خمسين سسنه توقعناها وسجلناها بورقه .. ماصارت تكلمنا بالسسياسه واللي يصير بالعالم هالحين حتى من زود الطفشش بغينا نتهور ونروح لأمريكا نشارك بالانتخابات وننتخب أوباما لأني بصراحه احسس انه يعني فيه عرق من الربع اللي هنيا مدري ليه عندي احساس ان جده الرابع عشر كان سساكن بحي الفيصليه اللي بالرياض
وتكلمنا بعد بالاقتصاد وبالاسهم وبالمدارس وتذكرنا ايام زمان يافن وايام السربته وكلن بدا ينصب على الثاني تسسذبه من هنا وتسسذبه من هنا ولاوالله يوم بدو الشباب يمصخونها شوي والتسسذب كل ماله بدا يكبر ويكبر الين خلاص صار معاد ينبلع وانا اللي اغير الماضوع بطريقه درامتيكيه خطيره توحي باني ششخص في قمة الذكاء اللي هي طريقة 2/4/4 وغيرنا السالفه وصرنا انا وخالد نحش بسلطان وهو بجنبنا وانا اقوله ياولد هذ1 ماتحسس انه مصخها ماودك نقوم نضربه ؟ طبعا من الطفشش حتى اننا تكلمنا عن ثقب الاوزون وكلن بدا يتسسذب على الثاني ويقول عاد تصدقون اني اعرف اللي ثقب الاوزون منهو ؟ وتسذب وحش وصواريخ ونصب وفجأأأه !!
رفعت يدي انا وقلت : خلاص ياعيال تعوذوا من هذ1 الملعون اللي عيا يسسجد لأدم هو وش اسمه ؟ جد والله ترى ماصارت وشش ذ1 خلاص احسس ان الجلسسه ذي اللي جلسناها والكلام اللي قلناه يكفي انا ندخل النار بسببه ! بغض النظر عن باقي الذنوب ماصارت عيب والله علينا وحرام بعد من اليوم حش وتسسذب ونصب ...
قال محمد اخوي : والله انك صادز ياولد طيب معك رقم بنت ؟
وانا اللي اسستانس قلت ايه ياخوي هذي الافكار الرائعه مهو تسسذب ونصب وحش ششبعنا ذنوب والله لو نبدل ذنوبنا بنسسبة ثالث ثانوي لنجيب نسسبه تخليني اصير ولي عهد على طول من كثرها
قال خالد اخوي ووجهه بارد : الا أقول بالله روح جب معجون الاسنان حقي شفه جنب سريري
ياخوي خبل انت تبي تنكبنا وشش اللي تصير ولي عهد حمدلله والشكر ..
المهم جبنا اللاب توب وششغلناه وحنا اللي ندخل على شات فوكس عرب قال خالد اكتب لقبنا شباب طفشانين يبون بنت تكلمهم على الجوال هالحين لاننا خرمانيين بالحيل ياليت بسرعه لوسمحتتم ،،
قلت أقول ألعن ام اللقب اللي تعرفه ياشيخ لقب ذ1 ولاتسسولف على واحد بجنبك انت حمدلله بس ،،،
ثم قال ( الي هو خالد اخوي) طيب اكتب استمتعو معنا بالصحه يابنات ..
هههههههههههههههههه حمدلله صدز لاوالله يوم فقع مخي بدلاخته اللي مدري وش تبي قلت هالحين انت احياننا ماتحس بينك وبين نفسك انك خبل ؟ اسألك بالله هالحين ذ1 لقب اللي تو قلته ولالوحة معهد صحي ؟ ياخوي انا مستغرب كيف كنت كل هالسنين الي راحت عايش معنا بهالمخ وحنا ماندري عنك ؟ انا اصلا من يوم ماقالتلي الوالده انك تلبسسس البامبرز بالمقلوب وانا غاسسلن يدي منك بكاديه ازرق
الوكاد مرت سنه مالك على البال على طاري أأأأقققصد مرت سساعه وحنا على هالحال هو يقول لقب بايخ وانا اهزئه الى ماخلص شحن اللاب توب وطفا
وانا اللي التفت على خالد اخوي قلت اقول مششينا نظرب سلطان بس الظاهر مالنا الا هالحل
قال خالد : ياولد هذ1 جاي ببيتنا وضيفنا يعني مالها داعي وش تبي الناس يقولون اذ1 اعرفو انا كمخناه وبعدين يعني صعبه وو... ولاتدري دقيقه بس بروح اجيب العجرى من تحت مرتبة الجيب واجيك نفقع خششته مع بعض ( امحق اخو )
والله وحنا نقوم مع بعض خالد معه عجرى وانا معي عود كبريت علشان ابحرق شنبه لانه صراحه قاهرني كل ماششفته انسى واقول مررررحبا عقييد ابوشهاب
عليه شنب ابن كلب اخ بسس لويسسلفني إياه مره بس اروح اززحف فيه قدام عراابجة الحوية واحط نفسي قوي
وفي اثناء قومتنا وحنا متجهين يمه ونمشي ونمشي ونمشي ونمشي قلت انا دقيقه خالد انا بروح اششرب ماء وانت فقع وجهه لاني احس ان الضما جاني فجأه طلبتني لها بلاميعاد
واذ1 جيت ابقعد عند الباب اراقب علششان محد يشوفك وانت تصفقه
قال خالد : لاياخوي انت اللي اضربه وانا اللي بااراقب لانك الكبير وبعدين انت ياخوي الكبير ماشالله عليك الله لايضرك قوي والقوي الله حتى انا تراني اخاف منك احس انك اقوى من رامبو (( الملعوووون عليه اسلوووب يخليك تحمسس وتطير بالعجه على طول ))
بسس عاد صراحتن بوقتها ماكان ودي اسوي مشاكل بس من الطفش وش اسوي .،،
قلت اقول اخلص ياأما أننا نتشجع ونصير رياجيل لو مره وحده بحياتنا ونظربه ولا اننا نروح لمه ونقوله وش رايك تصير صديقنا ونطلب له وجبه من ماكدونالدز
قال خالد وهو يزارط : تدري ياولد خلنا نشتريله وجبه من ماكدونالدز تصدق احس انه جوٍعان ،،
هههههههههههههههههههههه وانا اللي استانس بيني وبين نفسي وقلت : شف ياخالد تراني اخوك واعرفك منذو مبطي وبيننا عيش وملح واعرف اهلك واحد واحد واعرف اسم امك بعد يعني علمني بصراحه انت حاس انه جوعان ولاحاس انك خايف
وخالد يتلخبط وقال : لابس يعني ماهي مسالة خوف بس يعني خلاص يا(وخر) قررت انسحب واخذ المبلغ اللي معي...
ويوم ششفته تلخبط وانا اقاطعه وقلتله وانا انافخ عليه : شششششف لاتقعد تقول مدري ومامدري وابنسسحب شايفني جورج قرداحي علشان تنسسحب انت علمني انت خايف ولا منت خايف اذ1 منت خايف رح العن جدفه وانا بصورك بالجوال واذ1 انت خايف قلي علششان هالحين اروح احذفك من كرت العائله بسسسرعه جاوب وبدون لف ولاتفحيط !!
<< أسستر عليك منتب بسيط يالمحقق كونان
الوكاد عدت السسالفه على خير لاننا اتفقنا خلاص انا يعني مانقوله شييييي ورجعنا مثل اول نتبادل اطراف الحديث ونتسامر ونحش ونتسسذب وسسلطان قاعدن ياكل الوجبه حقته وحنا كل واحد فينا سسعابيله تقوطر تقول كلب شايفله عظمه وقاعدين نتفرج عليه
قال سلطان والله ياهو شي ذ1 الماكدونالدز تخيل ياخالد لو انه لك
عاد خالد مايحتاج تقوله تخيل يدخل جوو على طول ههههههههههه
قال خالد اوووووووووه اووووول شييي ياسلطان بسسوي لك فرع لحالك مايدخله الا انت حفاظا على نفسسية الزبائن لاتتحطم اذ1 شافو وجهك اللي كانه طريق خريص وثاني شي بخلي كل الفروع للشباب لعانه بسس علشان العوائل مايجون
قاطعتهم انا وقلت اقول بس ماودكم نطس اليوم نششتري لاب توب جديد بدال هالجهاز اللي ماغير يطفي ششحنه ويعلق الظاهر من كثر الفيروسات اللي فيه قام يعطسس ويكح
ومن بعد ماطرحت رايي على العيال وافقو وقررنا نرروح السساعه تقريبا كذا ونص (( ههههههه يعني كم ))
المهم مررر الوقت مررور الكرام ويووووم جات السساعه خمس الانص وحنا نركب الموتر ونروح لاقرب محل كمبيوترات وندخل ونقعد ندور ندور بالمحل عاد انا موصي العيال قلت دورو ارخص جهاز لاتفضحونا ...
وبعد محاولات من العناء والبحث خذينا لنا لاب توب عقب مابعنا الجهاز الاول وجوال سلطان وساعة خالد وجنط من جنوط سيارتي تخبرون الطفره شينه
الوكاد وحنا نركب موترنا الافالون ماغيرها معودين للبيت ومستانسين باللاب توب الجديد ومشغلين نجوى كرم جبرني الوقت وفي اثناء طريق العوده قال سلطان : ياخوي وانا ادور بهاالأجهزه كل ماجيت من عند كمبيوتر لقيت مكتوب عليه مايكروسفت وش السالفه منهو ذ1 تعرفونه ؟
وانا اناظر بخالد قلت ماشالله عليه شكله بيغطي عليك ياخوي بالدلاخه هههههههههه اقول لواننا نعرف مايكروسفت وراعيها كان ماششفتنا بعنا جوالك وساعة خالد وجنط موتري ياجنط انت وهالوجه اللي تقل ملقآ‘ط شيشه ههههههههههههههههههههه
وحنا نقعد ثلاث ايام نحاول نفهمه وشهي مايكروسفت ومن صاحبها لحد مالطف الله فينا وفهم ابوالسلاطين ثم قال بكل برائه وبكل هدوء (وخر) تخيل لوانك مكان بيل قتس صاحب مايكروسفت وش تبي تسوي ؟ ...... <<....عليه اسسئله تخليك تقعد ثلاث اسابيع تفكر
قلت انا هاه وش تقول ؟ علي الطلاق ياسسسلطان اول شي اشششحن جوالك بعشرين ريال مره وحده وثاني شي اسويه اروووح افتح لي روم بفوكس عرب
<< ششوٍفوٍ الطموٍحات بسسس
وثالث شي اسسويه اروح اششتري ماكدونالدز من خالد واقفل الفرع اللي سواه لك لحالك لعانه بس ورابع شي اروح اششتري ميسي من برشلونه واجيبه عندنا بالبيت
وسرى ليلنا وحنا كل واحد يقول للثاني تخيل لوانك بالمنصب الفلاني وتخيل لوانك بالمنصب الفلاني الى ماكل واحد تفل بوجه الثاني ورحنا ننام ولنا ثلاث ايام على هالموال
اول شي نحاول نظرب سسلطان وبعدين نتراجع عن قرارنا ونروح نكمل لعبتنا تخيل لوانك بالمنصب الفلاني ولا المنصب الفلاني ثم كل واحد يتفل بوجه الثاني ونروح ننام
اظنكم هالحين عررفتو السالفه كلها من سلسل للطقاق عليكم (( ترى قصدي من طقطق للسلام عليكم بس مسوي انكت شوي )) وعلششان تسسذ1 هالحين المطلوب من كل واحد يدخل انه يختار للعضو اللي عقبه اي منصب واللي عقبه يعلمنا وش بيسوي اذ1 جا في هالمنصب وعلى هالحال يعلمنا وش بيسوي ثم يختار منصب للي بيجي عقبه
طبعا اي منصب يجي على بالك قله ولاعليك من اطلق شنب عادي منصب سياسي رياضي منصب شهره أو اي شي انشالله لوتقوله لوانك مدير مدرسة حارتنا وش بتسوي لوتخترع منصب من عندك مافي مشكله سدييق
وهالحين يالله عقب ذ1 كله ببدأ انا وبقول للسربوت اللي بيجي عقبي تخيل لوانك
(( رئيسسس أمريكآ‘ ))
وششش تبي تسسوي | |
|
manall
المدير العام
عدد الرسائل : 685
العمر : 33
العمل/الترفيه : حب روعة الكون فقط لا غير
المزاج : اشتياق الى روعة حد الجنون
تاريخ التسجيل : 05/12/2008
| | موضوع: رد: لعبة المناصب الأربعاء يناير 14, 2009 9:42 am | |
| لوكنت رأيس اميركا كنت زلت الحروب كلها عن البلاد العربية واتضامنت معها وزتها دعم وحاربت اسرائيل وقطعت عنهم كل شي امدادات وحاربتها بأقوى ما عندي | |
|
