وينك ياابني انا امك

اصيح باعلى الصوت ابراهيم فقدناك
عساك تسمع صرختي يوم اناديك
...
انا امك اللي عيدها يوم لقياك
ياسعد نفسي لو عيوني تلاقيك
...
والقلب ناره تشتعل بعد فرقاك
ماتطفي النيران الا اياديك
...
لبست ثوب الحزن بعدك ولا انســـــــاك
والنوم ودع يوم غابت لياليك
...
تاهت بي الخطوات ودروبي اشواك
والدمع من عيني على الخد يبكيك
...
اراجع ا لماضي واعيد ذكراك
تشدني الذكرى وابكي لماضيك
...
سجين بالغربه وياكبر بلواك
الله يعينك دايم في بلاويك
...
هذا القدر مكتوب مكتوب ماجاك
اصبر عسى الله بالنهايه ينجيك
...
مدري ياعمري كيف الاحوال وياك
طمني طمن امك عساها تزين لياليك

...
منهو اللى بالليل لانمت يغطيك
خوفي عليك البرد بالحيل يوذيك
...
ودي قبل موتي اشاهد محياك
ودي اضمك بين يديني واحاكيك
...
ياحافرِ ً قبري دخيلك رجيناك
تحط فوق النصايب نيشان بوصيك
...
يمكن يحين الوقت وترجع لمرباك
وتزور قبري مسرع ً في خطاويك
...
بختصرها واقول يا الله ياعالم بالأحوال
ياوقت الشدايد مالنا غيرك وماخاب من ناصاك :::

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
ٍٍٍٍ::: [اتمنى لكل من يقراها ان يدعو لأبنها ان يرجع لها وهي لاتعلم عنه شيئا]