بني تميم اللي على الطيب ضارين

السلام عليكم ورحمه الله وبركاته

هذه قصيده رد على قصيده الشاعر القدير / عبدالعزيز بن عبدالرحمن الصعب ( أبوبدر )

التي أهداني إياهـا قبل قرابه الخمس أيـام .. وأبو بدر ماقصّر مع الكل

ولكن الكرمـاء لانستغرب منهم الطيب وعسى الله يجملني معه

أبوبـدر .. فيـه أربع أبيات إهداء لك كتبتها ك، مدخل لـ ردي على قصيدته

تكفى قصيدي لانخيتك تولّم
................ ودرّ القصايد للخوي ذايع الصيـت

سلّم على شيخ الرجاجيل سلّم
.................. سلّم عليه وقله إني تقهويـت

من طيب فعله هـ المراجل تكلّم
................. وتقول هذا القرم ياللي تناسيت

الله على ماقلت شاهد ويعلّم
................. إنك على كل المراجل تعليت

وسلامـتك

وهذا ردي على قصيدته التي كان لها وقع في قلبي ..!

بديت بـ أسم اللي خلقنا من الطيـن
..................ربّ كفلنا بـ طيب ربّ جوادي

اللي كفل أرزاق كل المساكيـن
..................وشيّد سماواته بليّـا عمادي

جاني جوابٍ من حفيد الكريميـن
..................ينقل شعورٍ من صميم الفوادي

حييت يا نسل الرجال السلاطيـن
..................حييت من قلبٍ به الشوق زادي

أقول ياشعري تزهب من الحيـن
..................وأنصى رفيع الشان خطل الأيادي

نسل النواصر هم صعوط المجانيـن
..................اللي لهم أمجاد بـ أقصى البلادي

من هامةٍ تبقى بروس العناويـن
..................وأفعالهم بين النشامـا تعـادي

بني تميم اللي على الطيب ضاريـن
..................شدّه على الدجّال علمٍ وكـادي

شاعر وقيفانه تهـزّ المياديـن
..................قرمٍ على فعل المواجيب بـادي

أرويت من شعرك قلوب المحبيـن
..................وأخترت من درّ المعاني جدادي

يابن صعب ماأظن تكفي الدواويـن
..................قدرك ورى ذيـك النجوم البعادي

عزّ الله إنك من رجالٍ وفييـن
..................ولك بصمة كلٍ بها اليوم شادي

ثبّـت في قلوب الأوادم نياشيـن
..................طيبك مع أقصى الناس ماهوب عادي

ياأبوبدر تسوى بـ قلبي ملاييـن
..................حروفك اللي ماتخون المبـادي

ودامك ذكرت الغلا بين قوسيـن
..................فـ أنت دواء جرحي وطبّي وضمادي

وأقبل تحيّـه من رجال العضاديـن
..................مغلّفـه بـ الطيب فـلٍ وكـادي

وأسلم وسلّم ياحفيـد السلاطيـن
..................ياللي غلاك بـ داخل القلب زادي

وصلوا على المختار سيد النبيين
..................اللي بعثه الله لـ درب الرشادي

وسـامحوني على القصور

مشكور حبيب قلبي
سلمت يداك

تقبل مروري

يعطيك العافيه يا غالي
اشكرك على مرورك الرائع
واشكرك على متابعتك الحلوة
اتمنى لك التوفيق والى الامام ان شاء الله

» المذاق الطيب اصابع الشاورما الذيذه
» يا أحمد من اللي ...
» عد للخمسة واهدي اغنية للعضو اللي بدك اياه
» اللي يبغى المرأة تسوق السيارة إما .... وإما .... ؟
» كل واحد يكتب اهم صفه بالعضو اللي قبله لعبه روعه